រដ្ឋបាលឃុំណងឃីលិក បើកកិច្ចប្រជុំដាក់ឲ្យដេញថ្លៃ នៅគម្រោងជួសជុលផ្លូវលំក្រាលគ្រួសក្រហមចំនួន១ ខ្សែប្រវែង១០០០០ម៉ែត្រដែលមានចំនួន២ភូមិ ក្នុងឃុំណងឃីលិក

ខេត្តមណ្ឌលគិរី កាលពីព្រឹកថ្ងៃទី២៤ ខែតុលា ឆ្នាំ២០២៥ វេលាម៉ោង ៨និង៣០នាទីព្រឹក រដ្ឋបាលឃុំណងឃីលិក បានបើកគម្រោង សំណើដាក់ឱ្យដេញថ្លៃប្រកួតប្រជែង ជាសាធារណៈស្ដីពីការជួសជុលផ្លូវលំក្រាលគ្រួសក្រហម មានចំនួន២ភូមិ ក្នុងឃុំណងឃីលិក ស្រុកកោះញែក ខេត្តមណ្ឌលគិរី ពិធីនេះធ្វើឡើងក្រោមអធិបតីភាពដ៏ខ្ពង់ខ្ពស់ លោក ផៃ ខាំផុត មេឃុំណងឃីលិក ជាប្រធានគណៈកម្មាធិការ លោក ម៉ៅ ឃឹម សមាជិក លោក ពៅ មុន្នី សមាជិក លោក ឡាំ សុីធឿន លេខាធិការ រួមទាំងសមាជិកជាច្រើនរូបទៀត ដែលបានអញ្ជើញចូលរួមផងដែរ។

ក្នុងនោះដែរគម្រោងដែលត្រូវបើកឱ្យដេញថ្លៃជាសាធារណៈមានចំនួន២ ភូមិ ក្នុងឃុំណងឃីលិក ទី១ភូមិណងប៊ួ ទី២ភូមិជីមាត ភូមិទាំងពីរនេះដែលមានកំណាត់ផ្លូវប្រវែងចំនួន ១០០០០ ម៉ែត្រ ទទឹងខ្នងលើផ្លូវប្រវែងទទឹង ៦ម៉ែត្រ។

គម្រោងផ្លូវ១ខ្សែនេះ តម្លៃប៉ាន់ស្មាន ៣៤២.៨២០.២៥០រៀល ដែលនៅភូមិចំនួន២ ក្នុងឃុំណងឃីលិក ក៏មានក្រុមហ៊ុន ចំនួន៣ដែរបានមកដាក់សំណើសុំដេញថ្លៃជាសាធារណៈ នៅគម្រោងផ្លូវលំក្រាលគ្រួសក្រហមមួយខ្សែនេះ ទី១ក្រុមហ៊ុន (ម៉ៅសារ៉េតខនស្ត្រាក់សិន)សុពលភាពតម្លៃ ២៦១.១០០០០០រៀល
ទី២ក្រុមហ៊ុន (អេចប៊ីរីសសស៍) មានសុពលភាព តម្លៃ ៣៣៩.០០០០០០រៀល
ទី៣ក្រុមហ៊ុន (អេចប៊ីអេសឌី) មានសុពលភាពតម្លៃ​ ២៥០.៥០០០០០រៀលដែលបានមកដាក់សំណើសុំដេញថ្លៃគម្រោងជួសជុលផ្លូវលំក្រាលដីគ្រួសក្រហម ថ្ងៃនេះ ។

បច្ចុប្បន្នក្រុមហ៊ុនដែលដាក់តម្លៃទាបជាងគេនិងទទួលការជួសជុលនេះជាក្រុមហ៊ុនដែលមាន ឈ្មោះ (អេច ប៊ី អេស ឌី )ជាអ្នកទទួលបាន។

២៥ តុលា ២០២៥